梅山文教基金會網站

話我家鄉寫我詩 楊國明
(請用台語唸讀)
你若來嘉義 千萬就愛去
阿里山名傳萬里 享受自然的滋味
你若來梅山 千萬毋通等
梅山公園有夠讚 入去賞梅頭一層
你若來安靖 千萬愛有閒
耳空就愛撓予清 聆聽鳥語看蒼鷹

安靖安靖有夠靜
梅山竹崎的交境
台三公路往東行
上山彎道五里程

延路美麗好山景
南靖溪水清清清
坑仔坪溪泉水冷
大壠山懸直閣挺

地靈人傑長歲壽
村民拍拚家園守
出外子弟有成就
男來優秀女溫柔

氣候溫和鳥語啁
空氣新鮮山水秀
安靖古道歷史悠
貫通全村跤跡留

村內特產滿滿是
芎蕉國蘭應四時柑桔龍眼佮紅柿
也有菁仔佮荔枝

安靖國小環境好
迷你學校算國寶
教育子弟有成果
老師用心眾人褒
楊家庄是南靖寮
把守庄頭最前哨
柿果故鄉柿仔寮
半嶺仔佇半山腰

中心點佇坑仔坪
三岔路口愛分明
樟普寮是斡左爿詔安寮是愛直行

詔安寮過錦湖跤
落崎庄尾是水井仔
閣去出口是竹崎
下庄出入攏佇遐

湖底庄頂一古梅
安靖步道按遐過
千年古梅雖少椏
每年還是會開花

維護生態有成果
蒼鷹愛來天頂遨
溪內石兵佮溪哥
火金姑是年年多

山區一片好土地
庄民敦厚真好客
傳承文化人才濟
傳統技藝上濟个
巡狩隊長吳文杰
無師自通竹具研
竹轎竹椅鑿袂